همسة هوا.. بقلم الشاعرة/سلمى المواردي
همسة هوا
يا روايح أجمل أيامي
يا دقَة كانت فيتاني
يا همسِة حب بدُوب فيها
و كلمة بعيش بـ معانيها
يا روايح القلب اللي عاش
و نغزَة غابت عن قلبي
يا عُمر تاه بين الأيام
وأهدىٰ فوضىٰ احتلتني
يا حبِة حُب من غير أسباب
اتجمعوا في قلبي
يا دمعَة في عيوني محتارة
بـ رموشي أكيد هتتخبي
يا روحي ياللي فيتاني
وساكنَة فـ قلب فايتني
يا أجمل مُر متحلي
يا أطيب جرح
ووجع في روحي مُوَنسني
يا سنين كتيرة معيشتهاش
فاتت قدامي ومحسبتهاش
يا ضعف عمري اللي خذلني
يا عيون خدوني وودوني
علىٰ باب الأحلام وسابوني
بحلم ليلاتي بـ نظرِتهم
وأمني قلبي بـ طلتهم
وحنيني ليهم قاتلني
والشوق إليهم دوبني
ولا حظ جمع بيني وبينهم
يا ذكرىٰ أقوىٰ من النسيان
هتعيش فـ قلبي طول الزمان
يا أسعد حُزن وأأمن خوف
يا نور لـ عيوني بين الكُهُوف
يآ قصر فـ كَهفي وأحلىٰ ما فيا ياشمسي
يا أحن شوك بين الورُود
يا أسلم نار وأعدل ظلم
ملك رضايا وملكني
#سلمى_المواردى
تعليقات
إرسال تعليق