اسكت متتكلمش.. بقلم الشاعرة/سناء البنا

 

إسكت...متتكلمش

اسكت بس ماتتكلمش

اوعاك تاني تقول معلش

جاي دلوقتي تقولي نصيب

جاي بتقولي يا اغلي حبيب

قصدك ايه طيب فهمني

ليه علي غلطك جاي تلومني

ليه بتقرب وطمني

لما في يوم قررت تغيب

اسكت مش هسمحلك تاني

تيجي تقول على قلبي اناني

علشان عايش مخلص ليك

عمره ما فكر يوم يإذيك

وانت بطبعك  ليه مغرور

ليه دايما بتعيش في الدور

وبتحلم دايما بورودي

وانت كبيرك شوك منثور 

اسكت اوعي تقول بتحب

كل كلامك غش وكدب

ولا عشان حبيت م القلب 

جاي بتعيش علي قلبي الدور

إمشي وسبني أداوي جروحي

وان كنت انت حياتي وروحي

سيبني لوحدي و في حالي  

قلبي في بعدك بقى مسرور

سناء البنا