نصيحة للزوجة.. بقلم الشاعر/د. إليان سمعان
--=*=--{{{ نصيحة للزوجة }}}--=*=--
ه""""""""""""""""""""""""""""""""""""ه
حبيب قلبك دوم انطريلو
رجوع
***** بيت الهنا خليه يرقص عابسماتو
ه
ووجبة حنان وحب اوعي
يجوع
***** شباب بعدو القلب لاتنسي مراعاتو
ه
خلي صوت العوافي دوم
مسموع
***** والوجه يضحك دوم واستني ملاقاتو
ه
لاتستحي فيه وتغيري
بموضوع
***** الحب من يوم خلق هيك عاداتو
ه
لاتقولي كبرنا وماعاد النا
رجوع
***** القلب مابيسال عن شيب شعراتو
ه
واذا وصل تعبان اجّلي
المشروع
***** بيكفي تعب وهموم عليكي بتهداتو
ه
لاتزعلي لو غضب وتنزلي
بدموع
***** بضحكة تسامح بس انتي مداواتو
ه
صلي لربك يحفظو وشعلي
بشموع
***** الرجال طفل زغير هيك مداراتو
ه
قولي حبيب القلب و الراس
مرفوع
***** خلي القلب يرقص عاصوت ضحكاتو
ه
العمر ساعات الهنا وكاس
وشموع
***** خلي الفرح بيدر والحب غلّاتو
ه
.ه.....................................................................ه
كل السعادة والهنا
اتمناها لبيوتكم العامرة
دوم بالفرح والسعادة والحب
تحية اخواتي وصديقاتي
واسمعو النصيحة
صبـــــاح الورد
ه--------------------------------------ه
الشاعر السوري المهجري - د اليان سمعان
سفير اكاديمية السلام في كاليفورنيا . اميركا
تعليقات
إرسال تعليق