ياخسارة العشرة.. بقلم الشاعرة/سناء البنا
يا خسارة العِشرة
طلعوا دهب قشرة
وياخدو في الإخلاص
صفر من عٓشرة
يا دنيا إيه تاني
دايما معنداني
ليكي حساب تاني
مالك كده كِشرة
أقولك من الآخر
كان القلم فاخر
مع ناس بتتفاخر
زودوا الحسرة
خلاص يا دنيا معادش أمان
لا صحبة نافعة ولا خلان
عمرى ما شوفت معاكى حنان
موجوعة ف قلبي ومُنكسرة
محتاجة لضحكة ولو مٓرة
كل حياتي، صبحت مُرة
عزيزة ف نفسي انا وحرة
وعمري ماكنت ف يوم قشرة
يارب فرجك يبقى قريب
ارزقنىي بصحبة تكون لى طبيب
وابعدني عن شر المحاسيب
واجعلي نصيبي ف الآخرة
تعليقات
إرسال تعليق