حضن الوطن...بقلم الشاعر يحيى المنياوي

 حضن الوطن.. 

يا حضن دافي.. 

يكفى من الحبايب ملايين 

 وانا..  اكون مين..

وينده صوت الحق..

الله أكبر..قولت أمين

يارب تحمى وطنى..

من شر الاعادى..

ويصرخ وطنى..فين ولادى

ومن كل وادى..

جايلك يا وطن ..

ياعزي وجاهى..ماؤى وسكن.. 

النيل جميل.. شريان الحياه

ومن صنع الله 

يرتوي العليل.. يقول الله 

يوطى على الأرض ساجد 

بسمع صوت اجراس الكنايس 

وصوت الاذان فى كل المساجد 

ما هو الرب واحد 

جوه قلوبنا حكاية وطن ..

على لسانى يغنى 

لحن وشجن 

مهما ابعد بعيد.. 

تخدنى الغربة بلاد وبلاد.. 

شوفت الشقى.. تعب وصديد 

بشتاق لحضن الوطن.. 

برجع.. بيكون يوم عيد

يا شمس يامروحة.. 

هاتى بكرة من جديد 

هاتى شباب يبنى ويعمر 

جيل جديد 

يصنع الحلم السعيد 

وفى كتاب التاريخ.. 

شوف مات كام شهيد

كتب التاريخ امجاد ثورات وحروب..

وفى عز المحن.. 

بنكون ابطال... 

نحمى الارض.. نصون العرض

وقت الجد..بنينا السد..

سد عالى.. ووطنى فى السما عالى 

عزيمة وهمة ومجد 

ويعيش الوطن.. أجمل الأوطان

الف العالم..وفى كل مكان

ادور على الأمان..

ما بلاقى غير..حضن الوطن 

حضن الوطن... بقلم / يحيى المنياوى