وأنت هوايا...بقلم الزجال عبد الكبير محمد أحمد
.🌊وانت هوايا🌊. تعرف ليه.......بهوايا بميل
كل كلام ف حياتي جميل
حتى الغيرة جوا ف قلبي
بتقول حبي ملهشي مثيل
لاازعل ولا اخاصم وأشيل
لو يلوموني دموعي تسيل
يزيد حبي.....أداري واخبي
عندي يقيني مفيش تمثيل
مهما تزيد...ف هواك تدليل
وف حبك.......ظالم وبخيل
أجني عذابي ويفضل ذنبي
إني بعيش.........وياك بقليل
فارس تهوى... ركض الخيل
هجري وراك..وملكش بديل
حتى خطايا...لو طال دربي
همشي واقول الصبر جميل
شمس نهاري......وقمر الليل
جنبك فرحة....ونور قناديل
مهما لاموني هاينادي حبي
عايزه هواك... غنا ومواويل
**************************
.✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق