اديني أمارة....بقلم الشاعرة عبير الصلاحي

 إديني امارة 

إديني أمارة على النسيان.

هات عينك قرب مني كمان..

ازاي بتقول انك بايع

 والشوق في عينيك

 بيبات سهران؟!!

اديني امارة

 واثبت لي إنك فرحان..

 وساعتها أحلف لك 

راح أسيبك تبعد بأمان..

إديني أمارة تطمنني

 وتؤكد إنك 

ببعادي ما إنتاش خسران..

لو تقدر سمعني سكوتك

 وبلاش صوتك 

ما هو أصله جبان..

هيبيعك من أول كلمة

 ويقول ندمان....

وأنا فووووووورا

 هأنتهز الفرضة

 وأضم رجوعك بالأحضان...

إديني أمارة 

وأنا أحلف لك

 ما إنتاش غلطان...

بقلمي " عبير الصلاحي"

من ديواني.إديني أمارة