لحم ودم دمعدش باهم...بقلم الشاعر سيد الهلالي

 لحم ودم دمعدش ياعم 

م الدم خلاص اهه بقي ميه

ومين بقا يسأل او يهتم 

وعيون لهيانا الدنيا وعميا

مبقاش يسأل خال ولا عم 

ولا أخ يبص عليه 

في وشوشهم ضحكه تملي ترن

جواهم غل وسؤؤؤ نيه 

من بعدك يابا وبعد الام 

انا عيني ماشافت حنيه 

ولا حدش حابب يتلم 

علي سفره في يوم او طبليه

وايام بايخه وطعمها بقي سم 

والكدب بقي معاكم غيه 

ب الاسم قرايب وحباايب

وغريب اقرب منكم ليه 

تمثيلكم واضح في الفيلم 

والدور عاملينه بحرفيه 

بلا لحم ودم دمعدش ياعم 

م الدم خلاص اهه بقي ميه ..

سيد الهلالي   / شاعر مصر