بخاطرها الأيام.. بقلم الشاعر المبدع/شاذلي محمد عبدالرحمن حسين
●●●●● بخاطرها الأيام ●●●●●
بخاطرها الايام . بتعارك فينا . وترمي علينا الطين
وخدانا في سكتها . بتحدف فينا . شمال ويمين
نسمع صوت ضحكتها . جراحنا تقيد . بأهات وآنين
شوفت يا سيدي طيبتها . وهي بتبعد . كل حنين
نفرح . بتسكتنا . ف لحظة تخلي القلب . حزين
مش معقول هتسيبنا . ندوق من الفرح . ياخلق يومين
دايما راسمة الدمعة بتنزل . تجرح ف الخدين
ولا حست بوجعنا . وكل ما ننسى . تقول على فين
ماهي دايما ايامنا .بتقسى . وجايبة الهم . وكاسرة العين
مش هتحني في مرة يا ستي . حتى ف حلم . ولو ساعتين
ولا خلاص أيامك عدت . فقر . وزل
وعدى العمر على المسكين
وآه وآهين
●●●●●●●●●●
خارج عن المألوف
شادوليات
شاذلي محمد عبدالرحمن حسين .
تعليقات
إرسال تعليق