كل الناس.. بقلم الأديب/عبدالرحمن عبدالفتاح والي
كل الناس
صباح الأحساس
علي كل الناس
واعوذ بك يارب
من الوسواس الخناس
فوقني إللي ما يتسمي من النوم
إصحي بقي كفايه نعاس
إقوم إلبس هدومك
وبلاش تمشي حافي وإلبس المداس
صلي وإتسبح وما تنسي تصبح
يا عم فين الاحساس
يا قلب لسه بدري
يا عم كفايه عمرك بيجري
وبلاها تشرب الأنفاس
يا صاحبي شئ محيرني
قول ما أنا عارفك
لما بتزن تضرب أسداس في أخماس
مش كلنا عبيد ربنا
وأبونا أدم وأمنا حواء
ولون الدم واحد وشكل القد واحد
وعندنا قلب زيك فيه شكشكه وإحساس
طبعا وايه محيرك
واللي كان مسهرك ومش قادر تقوم وتفتح الكراس
طيب ليه ناس علي ناس بتدوس
ملعونه أيوه ملعونه المحسوبية والفلوس
يعني هو المتعوس هيفضل متعوس.
ولو علقوا علي رأسه فانوس
ليه بتقول الكلام ده
يعني مش عارف رايح فين النهارده
أيوه عارف وعامل فيها عبيط
ياريتك تهدي وتبطل تنطيط
يعني رايح تبعني في سوق النخاسه
دنيا فاضيه ولا ليها عازه
بس هتقدر تعيش من غيري
معاملتنا من النهارده يا بايعني ميري
إوعي أجي بكره
وألاقيك نايم في سريري
ومن النهارده مفارقك
وشوف لك قلب غيري
يعني لو بعتني تبعني بكام
وهتبعني فاضي ولا بالغرام
طيب كدا الحبايب ليها نصيب
ولا تقبض ثمني وهب تغيب
وتبقي تدور علي روحك
لما تلاقي حبيب
يا عم روح عملنا إيه
وكل من له نبي يصلي عليه
طول عمرك معايا
وأخرتها خدت إيه
عمال تحب وعامل كازانوفا وحبيب
ولا ست فيك كان ليها نصيب
أمرك أنت يا قلبي عجيب
الوقت راح وفات ميعاد الطبيب
جاي معايا ولا رايح سوق الحبايب
تدور يمكن تلاقي حبيب
طيب صبح الأول
صباح الجمال والإحساس
صباح السعاده علي حبايبي وكل الناس
عبدالفتاح عبد الرحمن والي
تعليقات
إرسال تعليق