اتخيلك.. بقلم الشاعر/د.دخيل العطيوي الثقفي
اتخيلك
للشاعر دخيل العطيوي الثقفي
.................. ...................
يسعد صباح الي نظرها غنيمه
يالي غلاها داخل الروح موجود
أتخيلك شمساً على حد غيمه
فجة شعاعك رمش للعين ممدود
واتخيلك أرام ...... فاطراف ريمه
وتأملك ورداً على الغصن مفرود
وش هو صباحي حين نفقد نسيمه
إن غبت كني بين الانسام مفقود
ياأجمل صباحات الوجيه الحشيمه
وأندى جبين مرتوي خلطة العود
يشبه صباحي معك هتان غيمه
يوم المسى قبله على ود وعهود
أبدا نهاري فيك فرحه عظيمه
تمضي معي دايم بلا وقت وحدود
وإن كان قلبي قد مليتي نسيمه
لك وصف يطغى بالمكارم عل الجود
لا يابعد من هي ... لقلبي صميمه
يبدي صباحي فيك هتان ورعود
البعد عن قربك لقلبي يضيمه
وليا قربت أنا مع الوقت مولود
تعليقات
إرسال تعليق