البيت مكسور.. بقلم الشاعر/أحمد جابر أبو هنتش
البيت مكسور
والباب كمان مكسور
بس متحاوط بألف سور
علشان صوتنا ميعلاش
وإن صوتنا على ميسمعوناش
ويشوفونا.....
بس بيقولوا مشوفناش
يقولوا فى ليلهم كلام معسول
يطلع عليه الصباح يزول
وندى أيامنا خلوه ثلوج
يجى عليه نهارنا يدوب
نحاول بس منه نشرب
يخدوه ويقولوا كفايه سبناه لكم يدوب
إحنا الساده وأنتم عبييد
وامتا نتساوى
يقولوا....
لما الجمل يبيض
ناكل احنا وانتو تموتوا
نشرب علشان انتو تعيشوا
والعيشه صبحت مرار
خليتوا ليلنا نهار
والنجوم نشوفها فى وضح النهار
بقينا ف الدنيا ندور
زى عقارب الساعة
وكمالتور فى الساقيه ندور
مقضيينها ذل وطاعة
و يقولوا عيشوا بالقناعه
بعد السور الدور عليكم هيدور
ولا انتوا عاوزنها خرابه
اسمع الكلام واقتنع
ولا اخليك للصور أساس
وبمداسنا هتداس
اوعاك تتكلم ولا يطلع منك صوت
وجودنا معاكم كفايه
وعيشوا تحت اقدامنا بعين مكسوره
واحنا هنجمل الصوره
بس عيشوا ورا السور
جوا البيت المكسور
واللى مش عاجبه فى داهيه يغور
تعليقات
إرسال تعليق