زمن الغربة.. بقلم الشاعر/د. رزق الحويط
زمن الغربة !!
___________
يعني ايه العمر عدى ؟!
يعني أيام العمر فاتت
يعني شخت...............
و السنين معاك شاخت
عايش في جيل..........
غير جيلك
الكل نساك..................
و مش فاضيلك
تفتكر الماضي تتعذب
و تعذب معاك الأيام
كان زمان..................
كنت بؤرة الإهتمام
اللي يرميك ببسمة
و اللي يغازلك بكلمة
أيام و كانت حلوة
بقت الحياة.............
فارغة و خالية
و الوحدة قاتلة
مشتاق نظرة عين......
تيجي ف عيونك
تقول أعرفك.............
و تطمن خوفك
او تنكرك.....................
و تجدد موتك
آه يا زمن الغربة !!
آه من قسوة...............
الأهل و الصحبة !
بقيت أسير ذكرياتك
عايش وحيد
زي سجين..............
ورا قضبان حديد
مستني اللي يزورك
او يكلمك...............
و يحن لصوتك
آه م الأيام و قسوتها !
آه م الناس و جحودها !
اهي دنيا...............
و دايرة أيامها !!
اهي دنيا............
و دايرة أيامها !!
بقلمي: رزق الحويط في ١٨_٣_٢٠٢٢
تعليقات
إرسال تعليق