احبكم.. بقلم الشاعرة المتألقة/فاطمة أبو شاكر
.......... احبكم..........
احبكم تكرهونى
ليه ياوعدى
هو أنا فيا مرض
. ولا جرب معدى
زرعت فى حيكم
اغلا ماعندى
زرعت الود. والحنان
ومن الزهور وردى
ووقفت انادى وأقول
بعزم ماعندى
قولت تعالو ياناس
الارض دى أرضى
وارض أبويا واجدادى
واولادى من بعدى
أرضى مليانة خير
هيكفى ويعدى
وساقتكم الشهد فى
كاسات من عندى
وقولت للخاين
أبعد بعيد عنى
أنا عايشة فى. دنيا السماح
مليانة هنا وافراح
لو بأيدى لاضايف
الدنيا كلها عندى
وقعت على بحر الهوى
والماية فيه بتجرى
اشتكي للحب والنوى
والجن والانسى
قالوا دا مجنون وبيوزع
الحنية شمال ويمين
وكل ما حد يقول كلام
يقول ولا الضالين
ولا كل من مسك سلاح
يقول أنا جندى
ولا كل من قال كلمتين
يقول كل الكتب عندى
........................................................ الحاجة فاطمة أبو شاكر...........
تعليقات
إرسال تعليق