الدنيا ماتستهلش...بقلم الشاعرة زكية فيصل
كلمات زكيه فيصل
الدنيا ماتستهلش
حبوا بعض وإخلصوا وسامحوا
الدنيا مش مستاهله زعل وعتاب ولوم
علي لحظه حد بيفارق ويمشي
ومفيش حاجه علي حالها بتدوم
الدنيا بقت مرعبه وكل يوم علي حال
إسألوا علي حبايبكم ومتسبوش حد منكم زعلان
الكلمه الحلوة مش بفلوس ولا هيخسركم حاجه السؤال
عيشوا ببساطه وقربوا وحسسوا بعض بالأمان
إسعدوا بعض علي قد ماتقدروا
ومتبعدوش وتنسوا مهما كانت الأسباب
لو بعدتكوا المسافات بقلوبكوا إحضروا
ولا مال الدنيا ولا كنوزها يعوضوا الأحباب
بلاش تزودا في الخصام وتعاندوا بعض
سامحوا وإعذروا وإلتمسوا الأعذار
قربوا وضموا وحنوا متزودوش في البعد
فجأه الفراق الأبدي بيجي ومبيديش إنذار
✍🏻 زكيه فيصل
تعليقات
إرسال تعليق