أمتك يامحمد....بقلم الشاعر حسن الشوان
......... أمتك يا محمد ............
أمتك يا محمد ضيعووها الأئمه
لما لبوا عزومة الملك والسلطان
وجريت فى أمعائهم لذة اللقمه
وعميت عيونهم ع الذل والهوان
وقلعوا الكولا والجلباب والعمه
وتجاهلوا أصول الدعوة والقرأن
أمتك يا محمد ضيعووها الأئمه
وأباحوا الحرام فى كل الألوان
ونشروا التسويف فى كل كلمه
ولخبطوا مناسك النور بالضلمه
وتخاذلوا يقولوا الحقيقه بذمه
وسيرتك الجليله خباها اللسان
مساندة الضعيف فى كل ازمه
باللين والسلام والشده والإيمان
أمتك يا محمد ضيعووها الأئمه
لما خافوا يواجهوا مر الطغيان
اصول الدين مخلوش لها لزمه
وخلوها ساكنه وعايشه عنوان
علامات الضياع تشتييت الامه
وغضب الله علينا فى كل مكان
...........................................
..........د. حسن الشوان 🇪🇬 .......
تعليقات
إرسال تعليق