سوء تفاهم بقلم الشاعر/محمود فوده
سوء تفاهم
قالت
بكــره هتنـدم على تجريحـــي
يبقى أكيد فيـــه شئ تاه منـي
لأ يا حبيبيتي دا غصبن عنــي
بس ازاى انـا أجـــرَّح فيكــــي
دا انتـي حيـاتي وتعرفي ظني
هــو ده أخـــرت خوفـي عليك
قولتى سعيده وشمتــانه فيك
راح فين بس جمال إحساسك
لما هويتـــي بدمـــع عنيـــــك
ليــه فرحــانه البعــــد أهانِّـــي
بتعملينـــي فيــــها وكأنـــــــي
قلبك ليـــه محــــاولش يقولك
بُعـــدك عني يا قلبـــي كسرني
ليـــه تصريحـــك بعـــد غيـاب
جــاي بفـــرحه يصب عــــذاب
ليــــه يا حبيبتي القلب مصمم
على تجريحـــي بدون أسبــاب
شوفـــي كــام يــوم بيمر علينا
لأ كــــام شـــهر بيشمت فينــــا
علشــــان كنـــا اتنيــن أحبــاب
زرع البُعــدك في شوك يعادينا
بعـــد الحــب بشـــوق ومحبـه
بعـــد الـــورده ما كانت شـــابه
دمـــع عيونــــي زادها مــذلــه
ليــل ونــهار يعاتبنــــي أحبـــه
يلي كـنتي حيــاتى وشـــــايفه
بُعـــــدك زود نـاري وعـــارفـــه
مهما تلومــي على قلب حبيبك
لوم وعتاب عنــدك مش كافيه
عـــارفه حبيــــك عــايش ازاى
نومه ف صحراء وســط ديـابه
مهمــا يكـــون انا عمـري الجاى
برد هكمــل نومــي فــي غـابـه
إفـــرحــــي زي ما أعلــن قلبك
إشمتي في الل عايش بيحبـك
عمـــره ما خـــانك ولا بيفكــــر
مهمـــا يقولـــوا لقلبــــي بحبك
قلبـــي خـلاص من بعــدك تاب
قــــافــل بــــابه علـى الأحباب
بس قـــوليلي كنت بعــــــاتبك
علشان بعدك عنـــــي ما خــاب
كـل مـــا فيــــها كنـــــا اتنيـــن
عـــايشين أجمـــل من حبيبين
لكـــن بعـــد عتـــــاب ومــلامه
شــد وجــذب مـا بين طرفيــن
إتمنيت قلبــــك يســــامحنـــي
مهما يكـــون البعـد جـــارحنـي
زدتي عنـــاد وحلفتـــي عليــــا
ما ارجــع تانى ليك لو تدبحني
كنت فـــي وقتــها بكتب ليكي
إني يا قلبــــي لسه شــاريكــي
قـــربـــي منــي كفايه قاســـيه
لسه يا قلبي الروح ف ايديكي
بس بكلمــــة حــب اسمعــــــها
تشفــي ودمـــــع العـين تمنعها
وانتـــي يا قلبي عارفه حبيبك
علشــــان حبــــك لــو هيبيعها
--------:--------:---------
من ديوان دار الزمان
بقلم الشاعر محمود فوده
تعليقات
إرسال تعليق