حلم الضمير.. بقلم الشاعر/حاكم بدر الأسدي
( حلم الضمير)
من عز الطفوله .. أنسان أنه وميزان
................. وأمعدّل أبحجيي وبالعدل ماهر
وأتحكم أبطبعي وبي فصيح ألسان
................ وأنثر كل وفّـاي و وللجذب ناهر
وأنزّل للطبايـع والقيم بأيمان
................... وأجمع بالخصال الباكَهن تاجـر
عـد روحي الوفه معلم صفه وعنوان
................... وبنكـرانهه ما صـدعت خاطـر
وأجروح الكَلب منك صفت نيشان
................ مابيهـن لعبت ولا صرت شاطر
وأمّنتّك على أسراري .. وكشفها أعلان
................. فوكَـ أشجاركم .. بوراكَـ تتناثر
يا طيف الخيانه البي صفه الوجدان
................... يحلم بالضمير النايم الباجـر
أمس بي آنه أذكرك من جنت ولهان
.......... غير أحضان شعري ..!! جا صرت عاثر
أمس من جنت للحب ضامي بي عطشان
..................... حمّلتك شغافي الانته بي ناكر
وأمس من جنت غافي وتهذي بالنسيان
............ صححلك دليلي ..! وصار الك غافـر
يمن تتهمني ناكر للهوى وسرحان
............ أصحّه ..!! ورد دليلي الجان الك ساتر
وأكَلّك .. كَبل ما ثغرك حواله اسنان
...... أنه بساسي المشاعر .! من صرت شاعر
بقلمي.. الشاعر حاكم بدر الأسدي.. العراق
تعليقات
إرسال تعليق